Awor tin un kuadro di maneho pa AGO aprobá pa Minister di Enseñansa, Siensia, Kultura i Deporte siguí pa Konseho di Minister.

E kuadro pa organisashon di AGO, konforme e ‘Landsverordening Voortgezet Onderwijs, artikel 11c, 3de lid’, ta enfoká pa e alumno logra mas tantu ku ta posibel e metanan núkleo di Formashon Básiko i riba e empeño pa prepará e alumno optimal pa por ehersé funshonnan simpel riba merkado laboral.

Ku e kuadro nobo aki e kampo di enseñansa ta haña instrumentonan mas fuerte i sólido pa oumentá e kalidat di AGO i e ta fungi komo é instrumento fundamental pa uniformá e diferente skolnan di AGO na Kòrsou.

Ku un AGO uniforme por garantisá mihó kalidat den enseñansa, kaminda alabes Inspekshon tin e medionan pa inspektá AGO di un forma mas dirigí.

Por menshoná aki ku SIGE tambe a forma parti di e proseso pa formulashon di e kuadro aki.