Na inisio di e aña eskolar 2019/2020, SIGE a organisá un seminario ‘Didáktika pa aktiva’ ku e meta pa pone atenshon na e dosente su  manera di duna lès. E forma didáktiko di un dosente  tin un influensia grandi riba e siñamentu di un alumno.

E papel ku un dosente ta hunga den e desaroyo di e alumno ta hopi importante, pasobra un dosente motivá ta un simia fundamental pa un enseñansa eksitoso serka e alumno! Pa SIGE ta importante ku e didáktika ta forma un fundeshi fuerte den enseñansa ya asina e alumno por desaroyá su mes ku èksito i haña su balor den nos komunidat.